Պրոֆիլ

Պրոֆիլ, կիսադեմ, профиль (ֆր. profil, իտ. profilo - պրոֆիլ, ուրվագիծ, ուղղահայաց կտրվածք բառից) - դեմքի կամ առարկայի տեսքը կողքից:
(Նկար. Դ. Գիռլանդայո, Ջովաննի Տորնաբունիի դիմանկարը)

Ժայռապատկերներ

Ժայռապատկերներ, պետրոգլիֆներ, петроглифы (հուն. petros-քար և glyphe-փորագրվածք բառերից) - կենդանիների, թռչունների, ձկների, որսի տեսարանների պատկերներ ժայռերի ու քարանձավների պատերի վրա` նկարված նախնադարյան մարդկանց կողմից:

Կարիատիդ

Կարիատիդ, кариатида (հուն. karyatis, karitidas - կարացի կույսեր բառից) - ճարտարապեության մեջ և կերպարվեստում` կանգնած կնոջ տեսքով քանդակասյուն, որը հենարան է ծառայում կառույցի համար` պահելով հեծանային ծածկը: Հունաստանում հայտնի է մ.թ.ա. 6-րդ դ.: Անվանումն առաջացել է Լակոնիայի Կարիա տեղանունից, ուր Արտեմիս աստվածուհու պատվին տոնախմբություններ էին կատարում, որոնք ուղեկցում էին աղջիկների պարերով:

Նատյուրմորտի ժանր

Նատյումորտի ժանր, натюрморт (ֆր. nature morte, լատ. natura-բնություն և morte - մեռած բառից) - կերպարվեստի ժանր, որը պատկերում է անշունչ առարկաներ (իրեր, ուտելիք, ծաղիկներ և այլն):
(Նկար. Հ. Հակոբյան, Նատյուրմորտ սխտորներով)

Կրոնական ժանր

Կրոնական ժանր, религиозный жанр - կերպարվեստի -անր, որը պատկերում է սուրբ գրքից վերցրած թեմաներ, սյուժեներ: Հատկապես տարածվեց քրիստոնեության հաստատումից հետո (4-րդ դար):
(Նկար. Վ. Սուրենյանց, Խաչելություն)

Օբելիսկ

Օբելիսկ, կոթող, обелиск (հուն. obeliskos) - դեպի վեր նեղացող, տաշած կողերով, բրգաձև քարե սյուն, ի հայտ է Հին Եգիպտոսում որպես հուշակոթող:

Պատմական ժանր

Պատմական ժանր, истопический жанр - կերպարվեստի ժանր, որը պատկերում է անցյալի ու արդիականության կոնկրետ պատմական իրադարձությունները, ինչպես նաև պատմական անձնավորությունների գործողությունները, ներառում է նաև պատմական դիմանկարը և պատմական բնանկարը:
(Նկար. Վ. Սուրենյանց, Զաբել թագուհու վերադարձը գահին)

Կենցաղային ժանր

Կենցաղային ժանր, бытовой жанр - կերպարվեստի ժանր, որը պատկերում է մարդկանց առօրյա կենցաղը, մարդու կամ հասարակության կյանքը, կացութաձևը, սովորույթները:
(Նկար. Պ. Բրեյգել Ավագ, Գյուղական հարսանիք)

Ծովանկար

Ծովանկար, մարինա, марина - (ֆր. marine, լատ. mare-ծով բառից) բնանկարի ժանրի ճյուղ, ծովանկարչության ստեղծագործություն, ծովային տեսարան պատկերող նկար:
(Նկար. Վ. Մախոխյան, Անհանգիստ ծով)

Դիմանկարի ժանր

Դիմանկարի ժանր, դիմաքանդակի ժանր, жанр портрета- կերպարվեստի ժանր, որը պատկերում է կոնկրետ մարդու կամ մարդկանց խմբի: Եթե ստեղծագործողը պատկերում է իրեն, անվանում են ինքնանկար:
(Նկար. Ե. Թադևոսյան, Ինքնանկար)

Դիցաբանական ժանր

Դիցաբանական ժանր, мифологический жанр- կերպարվեստի ժանր, որը պատկերում է դիցաբանական սյուժեներ (տեսարաններ առասպելներից, հեքիաթներից, լեգենդներից):
(Նկար. Ս. Բոտիչչելի, Վեներայի ծնունդը)

Բնանկարի ժանր

Բնանկարի ժանր, пейзаж (ֆր. paysage)- կերպարվեստի ժանր է, որը պատկերում է մարդուն շրջապատող բնությունը: Կախված բնանկարի բնույթից` կարող ենք առանձնացնել գյուղական, քաղաքային, արդյունաբերական բնանկարներ: Բնանկարի յուրօրինակ դրսևորում է ծովանկարը` մարինան:

(Նկար. Գ. Բաշինջաղյան, Սևանա լիճը և կղզին գիշերով, 1894թ.)

Արձան

Արձան, статуя (լատ. statua)-քանդակագործության հիմնական տեսակներից է, որը պատկերում է մարդու կամ այլ արարածի ամբողջ մարմնով: Սովորաբար տեղադրվում է պատվանդանի վրա:

(Նկար. Միրոն, Սկավառականետ)

Անֆաս, դիմահայաց

Անֆաս, դիմահայաց, анфас (ֆր. face- դեմք, երեսի կողմ, en face դեմքով դեպի դիտողը)- դեմքի կամ առարկայի տեսքը ուղիղ դիմացից:

Անիմալիստական ժանր

Անիմալիստական ժանր, анималистический жанр (լատ. animal-կենդանի)- կերպարվեստի ժանր, որը պատկերում է կենդանիներ: 


(Ա. Դյուրեր,   Նապաստակ)

ՏՀՏ-ները «Արվեստ» դասընթացում

Ժամանակակից սովորողին ավելի մոտ և հետաքրքիր է համակարգչով աշխատանքը, այդ իսկ պատճառով ֆիլմերի, ցուցադրությունների պատրաստումը և տվյալ թեմայի շուրջ կայքերի ստեղծումը կատարվում է մեծ հետաքրքրությամբ, սիրով և նպաստում է սովորողի գիտելիքների ընդլայմանը:

Նախագիծ «Իրավունք + անգլերեն»

Մանկավարժության մեջ նորագույն տենդենցներից է ինտեգրված դասերի պատրաստումը, որը լուծում է մի քանի խնդիրներ. սովորողները սկսում են վերլուծել, զուգակցել, համեմատել, փնտրել կապեր իրերի և երևույթների միջև: